Breaking News
अनिल कुंबळे नंतर मिळाले "एजाज पटेल" ला मानाचे स्थान
न्यूझीलंडचा "मुंबईकर" फिरकीपटू "एजाज पटेल" याने वानखेडे मैदानावर मोठ्या विक्रमाची नोंद केली आहे. भारत विरुद्ध न्यूझीलंडच्या दुसऱ्या कसोटी सामन्यात, एजाजने एका डावात १० बळी घेत दिग्गज फिरकीपटू अनिल कुंबळेच्या पंगतीत स्थान मिळवलं आहे. एका डावात १० बळी घेणारा एजाज कसोटी क्रिकेटच्या इतिहासातील तिसरा गोलंदाज ठरला. अनिल कुंबळे आणि एजाजव्यतिरिक्त इंग्लंडच्या जिम लेकर यांनी हा विक्रम पहिल्यांदा रचला होता. कसोटी मालिकेत १० बळी घेण्याचा पराक्रम फिरकी गोलंदाजांनीच केला आहे. मुंबईचा छावा जरी असला तरी सुद्धा न्यूझीलंडच्या संघातून खेळणाऱ्या या पठ्याने आपल्या घराबाहेर पहिल्यांदाच हा पराक्रम केला आहे.
न्यूझीलंडमधील संघामध्ये एजाजची व्हा व्हा तर होताच आहे, पण इथे भारतीयांमध्ये आणि खास करून मुंबईकरांमध्ये सुद्धा आता एजाजच्या नावाचा डंका सगळी कडे वाजत आहे.
रिपोर्टर
The Reporter specializes in covering a news beat, produces daily news for Adarsh Swarajya News
Karishma Sawant