म्युच्युअल फंडमध्ये गुंतवणूक करणाऱ्यांनो सावधान ! हा मोठा प्लॅटफॉर्म बंद होणार, तुमच्या कष्टाचे पैसे बुडणार?  

म्युच्युअल फंडांमध्ये ऑनलाRन गुंतवणूक सुलभ करणारे लोकप्रिय प्लॅटफॉर्म आता बंद होणार आहे. त्यामुळे गुंतवणुकदारांची चिंता वाढली आहे. आपण गुंतवणूक केलेल्या पैशांचं काय होणार? एसआयपी सुरू राहणार की बंद होणार? आपली गुंतवणूक केलेली रक्कम इतरत्र ट्रान्सफर होणार का? असे अनेक प्रश्न गुंतवणुकदारांच्या मनात उपस्थित होत आहे. जाणून घेऊयात या सर्व प्रश्नांची उत्तरे....

म्युच्युअल फंड गुंतवणुकीसाठी लोकप्रिय प्लॅटफॉर्म पिगी (Piggy) जूनमध्ये आपले कामकाज बंद करणार आहे. कंपनीने अलिकडेच आपल्या सर्व ग्राहकांना ईमेलद्वारे याबद्दल माहिती दिली आहे. पिगी बंद झाल्यामुळे गुंतवणूकदारांच्या मनात अनेक प्रश्न आहेत, ज्यांची उत्तरे कंपनीने दिली आहेत. कंपनीने 30 मे 2025 रोजी एका ईमेलमध्ये घोषणा केली की, 'खूप विचार केल्यानंतर, आम्ही पिगी अॅप आणि वेब पोर्टल बंद करण्याचा निर्णय घेतला आहे. आजपासून 30 दिवसांत हे प्लॅटफॉर्म ऑफलाईन होईल.'

पिगी हा म्युच्युअल फंडमध्ये गुंतवणूक करण्याचा एक सोपा मार्ग होता. पण, आता तो बंद होत आहे. कंपनीने आपल्या ग्राहकांना सांगितले आहे की पिगी अॅप आणि वेबसाईट 30 दिवसांत काम करणे बंद करेल. याचा अर्थ असा की आता तुम्ही पिगीद्वारे म्युच्युअल फंड खरेदी करू शकणार नाही. पण, तुम्ही म्युच्युअल फंडमध्ये गुंतवलेल्या पैशांचे काय होईल? यावर कंपनीने सांगितले आहे की, तुमचे पैसे सुरक्षित आहेत आणि तुम्ही ते काढू शकता किंवा दुसऱ्या ठिकाणी ट्रान्सफर करू शकता. तुम्हाला तुमचे एसआयपी दुसऱ्या ठिकाणी सुरू करावे लागतील कारण पिगीचे एसआयपी आपोआप रद्द होतील.

SIP नव्याने सुरू करावी लागेल

कंपनीने सांगितले की, एसआयपी दुसऱ्या ठिकाणी ट्रान्सफर करता येत नाहीत. तुम्हाला म्युच्युअल सेंट्रल एएमसी वेबसाईट किंवा इतर कोणत्याही प्लॅटफॉर्मवर नवीन एसआयपी सुरू करावी लागेल. याचा अर्थ असा की तुम्हाला थोडे काम करावे लागेल, परंतु तुमचे पैसे सुरक्षित राहतील.

पिगी बंद होण्यापूर्वी मला माझे पैसे काढावे लागतील?

नाही. तुमचे म्युच्युअल फंड युनिट्स फंड हाऊस आणि त्यांच्या RTA (CAMS किंवा KFintech) कडेच राहतात. पिगी हे फक्त व्यवहार करण्याचे साधन आहे. अॅप बंद झाल्यानंतरही तुम्ही वैयक्तिक AMC/RTA पोर्टल किंवा त्यांच्या मोबाईल अॅपवर लॉग ईन करू शकता. जेव्हा तुम्हाला सर्व होल्डिंग्जचा स्नॅपशॉट हवा असेल तेव्हा CAMS किंवा MF सेंट्रलकडून एकत्रित अकाऊंट स्टेटमेंट (CAS) मागवा.

चालू असलेल्या SIP चं काय होणार?

पिगी द्वारे सेट केलेले प्रत्येक SIP 15 ते 20 जून 2025 दरम्यान रद्द केले जाईल.

एसआयपी कसे थांबवता येईल -  पिगी अॅप ओपन करा आणि तुमच्या प्रोफाईलवर डावीकडे टॅप करा. मग अपकमिंग इव्हेंटवर क्लिक करा. यानंतर STOP SIP वर क्लिक करा.

बँकेला सांगू शकता - तुम्ही तुमच्या बँकेला BSE स्टार /ICCL च्या नावाने कोणतीही स्थायी सूचना रद्द करण्यास सांगू शकता.

SIP ट्रान्सफर

तुम्ही एसआयपी पोर्ट करु शकत नाहीत. तुम्हाला एमएफ सेंट्रल, एएमसी साईट्स किंवा तुमच्या पसंतीच्या इतर कोणत्याही प्लॅटफॉर्मवर नवीन एसआयपी सुरू करावे लागतील.

प्रलंबित रिडेम्पशन किंवा डिव्हिडंड पेमेंटचे काय होईल?

पिगी बंद होण्यापूर्वी दिलेले रिडेम्पशन ऑर्डर सामान्यपणे प्रक्रिया केले जातील. डिव्हिडंड थेट तुमच्या नोंदणीकृत बँक खात्यात येत राहतील. पिगी बंद होण्याचा एएमसी पेमेंटवर परिणाम होणार नाही.