दिल्लीमधून किडनी प्रत्यारोपणाच्या रॅकेट उघडकीस
दिल्लीमधून किडनी प्रत्यारोपणाच्या रॅकेट उघडकीस
देश विदेश
नवी दिल्ली - दिल्ली गुन्हे शाखेच्या पोलिसांनी ९ जुलै रोजीच आंतरराष्ट्रीय किडनी प्रत्यारोपण करणाऱ्या टोळीचा पर्दाफाश केला होता. त्यानंतर दिल्लीच्या इंद्रप्रस्थ अपोलो रुग्णालयातील महिला डॉक्टर विजया कुमारीसह ७ जणांना अटक करण्यात आली होती. त्यानंतर आता दिल्ली पोलिसांच्या गुन्हे शाखेने आणखी एका किडनी प्रत्यारोपणाच्या रॅकेटचा पर्दाफाश केला आहे. याप्रकरणी गुन्हे शाखेच्या पथकाने 8 आरोपींना अटक केली आहे. यामध्ये टोळीचा म्होरक्या संदीप आर्य आणि त्याचा मेहुणा देवेंद्र झा यांचा समावेश आहे. संदीप आर्य हे प्रत्यारोपण समन्वयक आहेत.
पोलिसांनी दिलेल्या माहितीनुसार, हे लोक बनावट कागदपत्रांच्या आधारे दिल्ली, पंजाब, हरियाणा, मध्य प्रदेश आणि गुजरात या देशातील 5 राज्यांमध्ये असलेल्या रुग्णालयांमध्ये अवैध किडनी प्रत्यारोपण रॅकेट चालवत होते. संदीपने 5 राज्यांतील सुमारे 11 खासगी हॉस्पिटलमध्ये 34 किडनी प्रत्यारोपण केले आहे.
पोलीस 11 रुग्णालयांकडून किडनी प्रत्यारोपणाची संपूर्ण माहिती घेत आहेत. संदीप आर्य, विजय कुमार कश्यप उर्फ सुमित, देवेंद्र झा, पुनीत कुमार, मोहम्मद हनिफ शेख, चीका प्रशांत, तेज प्रकाश आणि रोहित खन्ना उर्फ नरेंद्र अशी अटक करण्यात आलेल्या आरोपींची नावे आहेत. त्यांच्याकडून 34 बनावट तिकिटे, 17 मोबाइल, 2 लॅपटॉप, 9 सिम, 1 मर्सिडीझ कार, 1.5 लाख रुपयांची बनावट कागदपत्रे आणि रुग्ण किंवा किडनी घेणाऱ्यांच्या फाईल्स जप्त करण्यात आल्या आहेत.
नोएडाचा रहिवासी संदीप आर्य हा किडनी रॅकेटचा मुख्य सूत्रधार आहे. त्यांनी पब्लिक हेल्थमध्ये एमबीए केले आहे. फरिदाबाद, दिल्ली, गुरुग्राम, इंदूर आणि वडोदरा येथील खाजगी रुग्णालयांमध्ये प्रत्यारोपण समन्वयक म्हणून काम केले आहे. प्रत्यारोपण समन्वयक म्हणून ज्या हॉस्पिटलमध्ये त्याची नियुक्ती झाली होती त्या हॉस्पिटलमध्ये तो किडनी प्रत्यारोपणाची व्यवस्था करत असे. प्रत्येक किडनी प्रत्यारोपणासाठी तो सुमारे 35 ते 40 लाख रुपये आकारत असे. ते प्रत्येक किडनी प्रत्यारोपणातून 7 ते 8 लाख रुपये कमवात होता.
संबंधित पोस्ट
विशेष:
ई पेपर
24 SEPT TO 30 SEPT 2026...
- 24 September, 2026
ADHARSH SWARAJ 9 JULY TO...
- 09 July, 2026
ADHARSH SWARAJ 2 JULY TO...
- 02 July, 2026
ADHARSH SWARAJ 25 JUNE...
- 25 June, 2026
ADHARSH SWARAJ 18 JUNE...
- 18 June, 2026
रिपोर्टर
The Reporter specializes in covering a news beat, produces daily news for Adarsh Swarajya News
Adarsh Swarajya