डॉ. हेगडे चषक विनाशुल्क कॅरम स्पर्धेत ६ जूनपासून शालेय ३२ खेळाडूंमध्ये चुरस
मुंबई शहर व उपनगर, ठाणे, पालघर, रायगड, रत्नागिरी आदी जिल्ह्यातील राष्ट्रीय ख्यातीच्या सबज्युनियर कॅरमपटूसह शालेय ३२ खेळाडूमध्ये माजी नगरपाल डॉ. जगन्नाथराव हेगडे वाढदिवस चषक विनाशुल्क कॅरम स्पर्धा जिंकण्यासाठी ६ जूनपासून चुरस होईल. डॉ. अँटोनियो दासिल्व्हा हायस्कूलचा राष्ट्रीय सबज्युनियर कॅरमपटू ध्रुव भालेराव विरुध्द जीके वरळी मुंबई पब्लिक स्कूलचा नैतिक लादे यामधील उद्घाटनीय लढत माजी नगरपाल डॉ. जगन्नाथराव हेगडे, राष्ट्रीय मिल मजदूर संघाचे सरचिटणीस गोविंदराव मोहिते, कॅरमप्रेमी मंगेश चिंदरकर व राजन राणे, शिवछत्रपती पुरस्कार विजेते लीलाधर चव्हाण आदींच्या प्रमुख उपस्थितीत शुक्रवारी परेल येथील आरएमएमएस सभागृहात शुक्रवारी सकाळी १०.३० वा. सुरु होईल.
अजिंक्यपद पटकाविण्यासाठी महात्मा गांधी विद्यामंदिरची राष्ट्रीय सबज्युनियर कॅरमपटू तनया दळवी, न्यू इंग्लिश स्कूल-जैतापूरचा आर्यन राऊत, पोद्दार अकॅडमी-मालाडचे प्रसन्न व पुष्कर गोळे, शिर्के हायस्कूल-रत्नागिरीची स्वरा मोहिरे, आयईएस सुळे गुरुजी शाळेची ग्रीष्मा धामणकर, पार्ले टिळक विद्यालयाचे सार्थक केरकर व मंदार पालकर, चेंबूर हायस्कूलचा मयुरेश पवार, आयएनजी स्कूल-वसईचा श्रीशान पालवणकर, ओमकार इंटरनॅशनलचे प्रेक्षा जैन, कनोसिया हायस्कूलची वेदिका पोमेंडकर, मायकल हायस्कूलचा निखील भोसले, जनरल एज्युकेशन अकॅडमीचे वेदांत लोखंडे, आयईएस पाटकर विद्यालय-डोंबिवलीचे नील म्हात्रे, देविका जोशी व निधी सावंत आदी सबज्युनियर कॅरमपटूमध्ये निकराच्या लढती ७ जूनपर्यंत रंगतील. पंचाचे कामकाज सचिन शिंदे, संतोष जाधव, ओमकार चव्हाण, अर्जुन कालेकर आदी पाहणार आहेत.
******************************
संबंधित पोस्ट
विशेष:
ई पेपर
ADHARSH SWARAJ 4 SEPT TO...
- 10 September, 2025
ADHARSH SWARAJ 28 AUG TO...
- 03 September, 2025
ADHARSH SWARAJ 21 AUG TO...
- 27 August, 2025
ADHARSH SWARAJ 14 AUG TO...
- 20 August, 2025
ADHARSH SWARAJ 7 AUG TO...
- 13 August, 2025
रिपोर्टर
The Reporter specializes in covering a news beat, produces daily news for Adarsh Swarajya News
Karishma Sawant