Breaking News
देशातील पहिल्या एअर ट्रेनसाठी निविदा जारी
नवी दिल्ली, दि. २४ (एमएमसी न्यूज नेटवर्क) : भारतातील पहिली एअर ट्रेन अर्थात ऑटोमेटेड पीपल मूव्हर (एपीएम) प्रणाली २०२७ पर्यंत सुरू होण्याची शक्यता निर्माण झाली आहे. या महत्त्वाकांक्षी उपक्रमासाठी दिल्ली इंटरनॅशनल एअरपोर्ट लिमिटेडने (डायल) निविदा काढली आहे. अंतर्गत 7.7 किलोमीटर लांबीच्या मार्गासाठी एअर ट्रेन किंवा एपीएम चालवली जाणार आहे. यात टी २/३, टी १, एरोसिटी आणि कार्गो सिटी असे चार थांबे असतील. ही सुविधा सुरू झाल्याने दोन दूरच्या टर्मिनल्सदरम्यान डीटीसी बसने प्रवास करण्याची गरज राहणार नाही आहे. निविदा निवड प्रक्रियेत निविदाकाराची किंमत आणि महसूल वाटणी मॉडेल किंवा प्रकल्पासाठी आर्थिक मदतीची ऑफर विचारात घेतली जाईल. त्यानंतर हे काम सुरू होणार असून कॅलेंडर वर्ष २०२७ संपण्यापूर्वी हे काम पूर्ण करण्याचे उद्दिष्ट ठेवण्यात आले आहे. डीआयएएलकडून केंद्रीय हवाई वाहतूक मंत्रालयाला ही माहिती देण्यात आल्याचे सूत्रांचे म्हणणे आहे.
निविदा दस्तऐवजात म्हटले आहे की डायलने दिल्ली आंतरराष्ट्रीय विमानतळावरील डिझाइन, बिल्ड, फायनान्स, ऑपरेट आणि ट्रान्सफर (डीबीएफओटी) मॉडेलवर ग्रेड एपीएम प्रणाली प्रस्तावित केली आहे. एअरोसिटी आणि कार्गो सिटीच्या माध्यमातून सुमारे 7.7 किमी च्या मार्गावर टी 1 आणि टी 3/2 दरम्यान विश्वासार्ह, जलद आणि अखंड कनेक्टिव्हिटी प्रदान करण्याचे एपीएम प्रणालीचे उद्दीष्ट आहे.
टर्मिनल्स दरम्यान आवश्यक कनेक्टिव्हिटी देण्याबरोबरच एपीएम प्रणालीमुळे प्रवाशांची सोय वाढणार आहे. हे एएसक्यू स्कोअर देखील सुधारेल आणि कार्बन फूटप्रिंट कमी करेल. सूत्रांनी दिलेल्या माहितीनुसार, एअर ट्रेनची नेमकी किंमत माहित नसली तरी ती दोन हजार कोटीरुपयांपेक्षा कमी असू शकते.
रिपोर्टर
The Reporter specializes in covering a news beat, produces daily news for Adarsh Swarajya News
गुरुदत्त वाकदेकर