Breaking News
गेली अठरा वर्षे आपल्या घराच्या पूनर्विकासासाठी बाहेर असलेल्या बोटावला चाळीच्या एकूण 413 रहिवासी बांधवाना आणि 10 दुकानदारांना लवकरच ताबा मिळणार असल्याने आनंदाचे वातावरण निर्माण झाले आहे. येत्या 1 डिसेंबर रोजी सदर सदनिकांसाठी लोकशाहीर अण्णाभाऊ साठे नाट्यगृहात सोडत काढली जाणार असून लवकरच सर्व रहिवासी बांधव आपल्या हक्काच्या घराचा ताबा घेणार आहेत.
2005 पासून बाहेर राहावयास असलेल्या आपल्या बांधवांना खूप त्रास सहन करावा लागला आहे. एकूण 413 रहिवाश्यांपैकी म्हाडा संकुलात किमान 190 रहिवासी राहत होते. तर अन्यत्र संकुलात 174 रहिवासी राहत होते आणि 49 रहिवासी बांधव हे भाडेतत्वावर राहत होते. अठरा वर्षे मनस्ताप सहन करावया लागल्याने भाडेकरू अगदी मेटाकुटीस आले होते. कधी आपण आपल्या हक्काच्या घरात राहावयास जाऊ... या विवंचनेत असताना लवकरच ते परतणार असल्याने सुटकेचा निश्वास त्यांनी सोडला आहे.
लोकांच्या मनात 'घर' हेच सर्वात मोठे समाधान. तेच घर.. आपल्या हक्काचं घर आपल्या ताब्यात मिळणार असल्याने बोटावाला चाळीतल्या लोकांचे समाधान हेच आपल्या विभागीय जनतेचे समाधान. ताबा घेतल्यावर अनेक त्रुटी सामोर्या येतील. वाहनतळ, विद्युत वितरण केंद्र आदि अनेक समस्या उदभवतील परंतु बोटावाला चाळीचे कार्यकर्ते त्यावर मात करतील हा विश्वास आहे.
स्वप्नात दडलेल्या आपल्या घराला प्रत्यक्ष डोळे भरून पाहण्यासाठी, आपले मस्तक त्या उंबरठ्यावर ठेवण्यासाठी उत्साही असलेल्या बोटावाला चाळीच्या रहिवासी बांधवांचे स्वागत करायला घोडपदेव समूहातील प्रत्येकजन उतावीळ झाला आहे.
रिपोर्टर
The Reporter specializes in covering a news beat, produces daily news for Adarsh Swarajya News
Karishma Sawant