Breaking News
*
मुंबई (गुरुदत्त वाकदेकर) : सध्या जगभरात ५जी वर काम सुरू आहे, त्यामुळे चीनने या दिशेने एक पाऊल पुढे टाकत ६जी वर काम सुरू केले आहे. त्याचवेळी ६जी तंत्रज्ञानावर काम करणाऱ्या चिनी संशोधकांनी एक धक्कादायक दावा केला आहे.
त्यांनी नवीन तंत्रज्ञानाचा वापर करून डेटा स्ट्रीमिंग स्पीडमध्ये नवा विक्रम केला आहे. संशोधकांनी व्होर्टेक्स मिलीमीटर वेव्हजचा वापर करून एका सेकंदात एक टेराबाइट डेटा एका किलोमीटरपर्यंत पाठवला.
व्होर्टेक्स मिलिमीटर लहरी हा उच्च-फ्रिक्वेंसी रेडिओ लहरींचा एक प्रकार आहे, जो वेगाने फिरतो. बीजिंग विंटर ओलंपिक कंपाऊंडमध्ये गेल्या महिन्यात स्थापित केलेली प्रायोगिक वायरलेस कम्युनिकेशन लाइन एकाच वेळी दहा हजार उपकरणांशी कनेक्ट होऊ शकते.
तसेच अधिक हाय-डेफिनिशन लाइव्ह व्हिडियो फीड स्ट्रीम करू शकते. टीमने असा दावाही केला आहे की, हायपरसोनिक शस्त्र ६जी तंत्रज्ञानाचा वापर करून लक्ष्य शोधू शकते आणि त्यांच्याशी संवाद साधू शकते.
ध्वनीच्या वेगापेक्षा पाचपट जास्त वेग असलेल्या हायपरसॉनिक क्षेपणास्त्रांना नेटवर्कमुळे काही वेळा ब्लॅकआउटचा सामना करावा लागतो.
चीनने अनेक प्रसंगी सूचित केले आहे की, ते भविष्यातील ६जी तंत्रज्ञान युद्धपातळीवर वापरत आहेत. या प्रयोगातून असे दिसून आले आहे की चीन ६जी साठी संभाव्य महत्त्वाच्या तंत्रज्ञानावरील संशोधनात जगात आघाडीवर आहे. चीनी शास्त्रज्ञांचा दावा आहे की त्यांनी ६जी तंत्रज्ञान विकसित केले आहे. जे ५जी पेक्षा किमान १०० पट वेगवान आहे.
रिपोर्टर
The Reporter specializes in covering a news beat, produces daily news for Adarsh Swarajya News
गुरुदत्त वाकदेकर