Breaking News
नवी मुंबई ः मराठा आरक्षण लढ्याच्या समर्थनात मराठा आक्रोश मोर्चाच्यावतीने रविवार 18 जुलै रोजी सकाळी 9 वा. ऐरोली ते माथाडी भवनपर्यंत बाईक रॅलीचे आयोजन करण्यात आले आहे. मराठा समाजाला आरक्षण देण्याकडे राज्य सरकारचे लक्ष वेधण्यासाठी नवी मुंबईत निघणार्या बाईक रॅलीमध्ये बहुसंख्येने सहभागी व्हावे असे आवाहन नरेंद्र पाटील यांनी केले आहे.
मराठा आरक्षण रद्द केल्याने मराठा समाजात संतापाची लाट पसरली आहे. मोर्चा, आंदोलने, बैठका, सभांद्वारे मराठा आरक्षणाची मागणी जोर धरत आहे. सोलापुर येथे 4 जुलै रोजी मराठा आक्रोश मोर्चा काढण्यात आला. या मोर्चाला माथाडी युनियन, माथाडी पतपेढी, माथाडी ग्राहक सोसायटीचे कर्मचारी उपस्थित होते. सोलापुर येथील मोर्चा पाहून प्रेरित होऊन उर्त्स्फुतपणे या बाईक रॅलीत सर्व कर्मचारी, माथाडी कामगार, मराठा आक्रोश मोर्चाचे कार्यकर्ते व मराठा आरक्षणाला पाठिंबा देणारे विविध जातीधर्माचे कार्यकर्ते उपस्थित राहणार असल्याचे नरेंद्र पाटील यांनी शुक्रवारी पत्रकार परिषदेमध्ये सांगितले. ही बाईक रॅली ऐरोली सेक्टर 16 येथूल वाशीतील माथाडी भवनकडे रवाना होणार आहे.
रिपोर्टर
The Reporter specializes in covering a news beat, produces daily news for Adarsh Swarajya News
Adarsh Swarajya