Breaking News
नवी मुंबई ः अनधिकृत बांधकामे / अतिक्रमणे याविषयीच्या प्रतिबंधात्मक कारवाया नवी मुंबई महानगरपालिका क्षेत्रात तीव्रतेने राबविण्यात येत आहेत. त्या अनुषंगाने ऐरोली विभाग कार्यक्षेत्रामधील अनधिकृत बांधकामांवर धडक कारवाई करण्यात आली. सेक्टर 1 ऐरोली येथील घर क्रमांक 2030 व घर क्र.1655 तसेच सेक्टर 2 येथील भूखंड क्रमांक बी-171 याठिकाणी नवी मुंबई महानगरपालिकेची कोणतीही पूर्वपरवानगी न घेता अनधिकृतपणे एक मजली इमारतीचे बांधकाम सुरू करण्यात आले होते.
सेक्टर 9, दिवागाव, ऐरोली येथील घर क्र. 51 तसेच सेक्टर 3 ऐरोली येथील भूखंड क्र. जे-279 व जे-280 वर तीन मजली इमारतीचे बांधकाम अनधिकृतपणे विनापरवानगी सुरू होते. या सर्व बांधकामांना ऐरोली विभाग कार्यालयामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीसही बजाविण्यात आलेली होती. संबंधितांनी बांधकाम स्वत:हून हटविणे आवश्यक होते. परंतू संबंधितांनी हे अनधिकृत बांधकाम सुरूच ठेवले होते. त्यामुळे या अनधिकृत बांधकामाविरोधात ऐरोली विभागामार्फत धडक मोहीम आयोजित करण्यात येऊन ही बांधकामे निष्कासित करण्यात आली. यामध्ये ऐरोली विभागातील अधिकारी / कर्मचारी यांचेसह अतिक्रमण विभागाकडील पोलीस पथकाने महत्वाची भूमिका बजावली.
रिपोर्टर
The Reporter specializes in covering a news beat, produces daily news for Adarsh Swarajya News
Adarsh Swarajya