Breaking News
नवी मुंबई : मुंबई कृषी उत्पन्न बाजार समितीमधील फळ मार्केटमच्या बहुउद्देशीय इमारतीच्या खाली शुक्रवार रात्री 2 वाजता एका मालवाहू गाडीत भीषण स्फोट झाला. या स्फोटामुळे मार्केट परिसरात भीतीचं वातावरण पसरलं आहे. स्फोट प्रकरणात एपीएमसी पोलिसांनी एकाला अटक केली आहे, तर एक जण रुग्णालयात दाखल आहे.
फळ मार्केटच्या बहुउद्देशीय इमारतीजवळ आयशर कंपनीची गाडी उभी करण्यात आली होती. या गाडीत शुक्रवारी रात्री स्फोट झाला. या घटनेमुळं मार्केटच्या सुरक्षेचा प्रश्न पुन्हा एकदा ऐरणीवर आला आहे. दरम्यान, यात कोणतीही जीवितहानी झाली नसली तरी स्फोटाचा आवाज एवढा भंयकर होता कि काहीवेळ काय घडले याचा अंदाज बांधणंही कठीण झाल्याचं प्रत्यक्षदर्शींनी सांगितलं. या भीषण स्फोटात गाडीच्या मागील भागाच्या पूर्ण चिथड्या झाल्या आहेत. जवळपास 25 ते 30 फूट अंतरावर असलेल्या कार्यालयाच्या काचा तडकल्या आहेत. तर गाडी उडवण्याचा प्रकार घडल्याने घटनेपासून वाहतूकदार संघटना कमालीच्या भयभीत झाल्या आहेत. परिसरात अनेक गाड्या पार्क करण्यात आल्या होत्या. परंतू वेळीच अग्निशामक गाडी आल्याने पुढील दुर्घटना टळली. गाडीत स्फोटक ठेऊन गाडी उडवण्यात आली आहे, असा आरोप गाडीचे चालक राजीव कुमार यादवने दिली. एपीएमसी पोलीस ठाण्याचे वरिष्ठ पोलीस निरीक्षक विकास रामगुडे यांनी सांगितल्याप्रमाणे या प्रकरणात गुन्हा दाखल करण्यात आला असून पुढील तपास सुरु आहे. या प्रकरण एपीएमसी पोलीसांनी एकाला अटक केली असून दुसरा रुग्णालयात दाखल आहे.
रिपोर्टर
The Reporter specializes in covering a news beat, produces daily news for Adarsh Swarajya News
Adarsh Swarajya